Health Liquor Policy Online permit: ગાંધીનગરનાં GIFT Cityમાં અત્યારે આંશિકરીતે દારૂબંધી પર છૂટ આપવામાં આવી છે. નિયમો અને શરતોને આધીન અહીં કંપનીઓ અને તેના કર્મચારીઓ તથા અપ્રૂવ્ડ ગેસ્ટ હશે તેમને રેસ્ટોરાં, ક્લબ કે હોટેલમાં દારૂનું સેવન કરવાની પરમિટ અપાશે એવો નિર્ણય લેવાયો છે. આ મોટા નિર્ણય બાદ હવે ધ પ્રોહિબિશન એન્ડ એક્સાઈઝ ડિપાર્ટમેન્ટ હેલ્થ લીકર પરમિટની પ્રોસેસમાં પણ ફેરફાર કરવા જઈ રહ્યું છે. અમદાવાદ મિરરના અહેવાલ પ્રમાણે અહીં આ તમામ પ્રોસેસમાં જે સ્લિપ માટે લાઈનોમાં ઊભા રહેવું પડતું અને ઓફલાઈન જ કામગીરી થતી તેને ઓનલાઈન વિકલ્પમાં ઉપલબ્ધ કરાવવામાં આવી શકે છે.
ડિજિટલ પેમેન્ટ વિકલ્પમાં પ્રોસેસ શરૂ કરાઈ શકે
અત્યારે ઓફલાઈન પ્રોસિજર ચાલી રહી છે. તેમાં જે અરજદાર છે તેને પ્રોહિબિશન ઓફિસ જઈને પેમેન્ટ સ્લિપ કલેક્ટ કરવાની રહે છે. આ સિલ્પ કલેક્શન પછી તેને બેન્કની લાંબી લાઈનોમાં ઊભા રહી આગળ પ્રોસિજર પૂરી કરવી પડે છે. આ ડિપાર્ટમેન્ટનાં સૂત્રોના જણાવ્યા પ્રમાણે હવે જે ઓફલાઈન પ્રક્રિયા છે તેને ઓનલાઈન ડિજિટલ પેમેન્ટ વિકલ્પમાં ઉપલબ્ધ કરાવવા પર અત્યારે વિચારણા ચાલી રહી છે. આગામી ચારથી 5 મહિનાની અંદર આ અંગે સત્તાવાર જાહેરાત થઈ શકે અથવા તો પ્રોસેસ શરૂ પણ થઈ શકે છે.
એક ઉચ્ચ અધિકારીએ નામ ન જણાવવાની શરતે કહ્યું કે આખી પરમિટ એપ્લિકેશન અને રિન્યુઅલ પ્રોસેસને જ હવે ઓનલાઈન કરવાની વિચારણા ચાલી રહી છે. આ પ્લાન જો ઈમ્પ્લિમેન્ટ થઈ ગયો તો લોકોને કચેરીઓના ધક્કા ખાવાના ઓછા થઈ જશે. એટલું જ નહીં આનાથી અધિકારીઓ અને લોકો એમ બંનેનો કિમતી સમય પણ બચી શકે છે. બીજી બાજુ જોવા જઈએ તો અત્યારે 37 ટકાની સ્ટાફની ક્ષમતા સાથે આ ડિપાર્ટમેન્ટમાં કામ ચાલી રહ્યું છે.
પરંતુ ડેટા પર નજર કરીએ તો છેલ્લા ઘણા સમયથી હેલ્થ પરમિટ ધારકોની સંખ્યા વધી રહી છે જેથી કરીને હવે બાકીના 67 ટકા કર્મચારીઓની જગ્યા ખાલી છે જે ભરતી માટે પણ વિચાર ચાલે છે. આ અંગે સરકાર તરફથી લીલી ઝંડી મળી પછી સ્ટાફની ભરતી અંગે કોઈ સત્તાવાર માહિતી બહાર આવી શકે એમ છે.
સમગ્ર રાજ્યમાં હેલ્થ લીકર પરમિટ ધારકોમાં વધારો થયો
ગુજરાતના કોઈ એક જ શહેરથી આ હેલ્થ લીકર પરમીટ ધારકોની અરજીઓમાં વધારો નથી થયો. આ સમગ્ર રાજ્યના નાના-મોટા શહેરોમાંથી વધ્યો છે. અમદાવાદ, સુરત અને રાજકોટમાં આ પરમિટ ધારકોની સંખ્યા અત્યારે વધી રહી છે. અમદાવાદ મિરરના રિપોર્ટ પ્રમાણે કુલ 52 હજાર લોકો પાસે લીકર પરમિટ છે. જેમાં સૌથી વધારે અમદાવાદ શહેરના લોકો પાસે છે, જે આંકડો 15 હજારને પાર છે.
L.M. ડિન્ડોડ ( ડાયરેક્ટર ઓફ પ્રોહિબિશન એન્ટ એક્સાઈઝ, ગુજરાત )એ કહ્યું કે અમે રાજ્ય સરકારને અહીં સ્ટાફની ભરતી માટે જરૂર છે એની જાણ કરી દીધી છે. આ વિભાગમાં જોવા જઈએ તો આખા રાજ્યની અંદર 60 ટકા પોસ્ટ ખાલી છે. કેટલાક અધિકારીઓના પ્રમોશન તો નવી ભરતી એવા ઘણા મુદ્દાઓને લઈને અમે રાજ્ય સરકારને જાણકારી આપી દીધી છે.
તેમણે આ ડિપાર્ટમેન્ટના ડિજિટલાઈઝેશન મુદ્દે કહ્યું કે એપ્રિલથી જૂન મહિનાની વચ્ચે અમે પ્રયાસ કરી રહ્યા છીએ કે પ્રક્રિયા ઓનલાઈન થઈ જાય. જેથી કરીને પ્રોસેસ માટે લોકોને ઓફિસે વિઝિટ કરવાની જરૂર જ ન રહે. અમે આગામી બજેટ સત્રમાં આ અંગે રજૂઆત કરીશું અને સમગ્ર પ્રોસેસ ઓનલાઈન કરવા પણ માગ કરીશું. ડિપાર્ટમેન્ટના ડિજિટાઈઝેશન માટે હવે તેમણે ગુજરાત ઈન્ફોર્મેટિક્સનો સંપર્ક સાધવાનું પણ શરૂ કર્યું છે.
પાર્થ વ્યાસ છેલ્લા 3 વર્ષ કરતા વધુ સમયથી પત્રકારત્વ જગતમાં કાર્યરત છે. તેમણે પોતાના કરિયરની શરૂઆત ડેસ્ક સબ એડિટરથી કરી છે. તેઓ ત્યારબાદ સ્પોર્ટ્સ રિપોર્ટર અને સ્પોર્ટ્સ ન્યૂઝ ડેસ્ક પણ સંભાળી ચૂક્યા છે. તેમણે IPL 2021,2022, ભારતની વેસ્ટઈન્ડિઝ સિરીઝ ગ્રાઉન્ડ લેવલે કવર કરી છે. ત્યારપછી પોલિટિકલ ન્યૂઝ પ્રોડ્યૂસર તરીકે પણ તેઓ ફરજ બજાવી ચૂક્યા છે. પાર્થ વ્યાસે ગુજરાત યુનિવર્સિટીથી માસ્ટર ઓફ માસ કોમ્યુનિકેશન અને જર્નલિઝમ કર્યું છે. આ દરમિયાન રેડિયો, વેબસાઈટ, NGOમાં તેમણે ઈન્ટર્નશિપ કરી છે. તેઓ દિવ્યભાસ્કર વેબસાઈટ, ઈન્ડિયા ટૂડે ગ્રુપની ગુજરાત તક વેબસાઈટમાં કામ કરી ચૂક્યા છે. . વધુ વાંચો
